Skriptura SH.P.K. u themelua në dhjetor 2023 prej Rigon Paçarizit dhe Argjenta Gashit. Ideja lindi prej një vëzhgimi të thjeshtë: shumica e bizneseve në rajon ende punojnë me procese manuale që harxhojnë kohë, sjellin gabime dhe i largojnë njerëzit prej punës së vërtetë. Teknologjia ekziston — veç ende nuk po përdoret qysh duhet.

Filozofia jonë nuk ka të bëjë me teknologjinë në vetvete. Ka të bëjë me rezultatin: një biznes që punon më mirë, me më pak stres e me më pak gabime. Çdo softuer që ndërtojmë fillon me të kuptuarit e procesit tënd — e pastaj e dixhitalizojmë, pa e ndërlikuar.

Jemi të regjistruar në Kosovë dhe punojmë kryesisht me klientë vendorë e rajonalë, edhe pse puna jonë ka arritur deri në SHBA. I mbulojmë të gjitha fazat: dizajn, zhvillim, hosting dhe mbështetje të vazhdueshme — me njerëz të vërtetë, jo me tiketa automatike.